Íþróttamiðstöðin í Laugardal - Engjavegi 6 - 104 Reykjavík

AFREKSSTEFNA KARATESAMBANDS ÍSLANDS 2012 - 2014.

Inngangur Karateíþróttin er að mestum hluta stunduð í félögum á höfuðborgarsvæðinu og eru félögin í dag Þórshamar, Karatefélag Reykjavíkur, Breiðablik, Fylkir, Haukar, Víkingur, Fjölnir og Afturelding. Utan höfuðborgarsvæðisins eru karate stundað á Akranesi, Selfossi, Akureyri og í Hveragerði.

Markmið Markmið Karatesambands Íslands fyrir afrek á erlendum vettvangi er eftirfarandi: Að stefna að því að eiga keppendur í átta manna úrslitum á Evrópu- eða heimsmeistaramótum og eiga keppendur í verðlaunasætum á sterkum eða millisterkum alþjóðlegum mótum. Þetta á hvoru tveggja við um unglinga og fullorðins keppendur.

Veikleikar/Styrkleikar Það sem háir íþróttinni á landsvísu er fyrst og fremst þjálfaraskortur. Nánast allir þeir þjálfarar sem eru hærra gráðaðir (svart belti eða hærra) eru búsettir á höfuðborgarsvæðinu. Íþróttina er hægt að stunda við mjög einföld skilyrði þ.e. aðstaða í flestum íþróttasölum landsins er fullnægjandi. Karateíþróttin hefur verið í örum vexti undanfarin 25 ár. Á Íslandi eru stundaðir að mestu 3 stílar karate, og hefur það áhrif að nýtingu á þjálfurum. Þ.e. það er ekki eins auðvelt að samnýta þjálfara á milli karatestíla. Nokkur félög hafa farið út í það að sækja kennara erlendis frá og hefur það reynst mjög vel. Það er hins vegar mjög kostnaðarsamt og ekki allir sem hafa ráð á því. Lengst framan af voru aðeins fá mót sem iðkendur gátu keppt á. Með tilkomu nýrra móta sem KAI hratt af stað, þ.e. Bikarmótaröð fullorðinna sem eru 2-4 yfir árið og var farið af stað með árið 1996, sem og bikarmótaröð unglinga (12-17 ára) sem fyrst var keppt á árið 2006, hafa keppendur öðlast mun fyrr keppnisreynslu sem þeim er svo nauðsynleg þegar komið er á erlend mót. Sífellt stækkandi hópur íslenskra keppnismanna hefur sótt alþjóðleg mót undanfarin ár og náð þar ágætis árangri. Yngri keppendur eru farnir að sækja alþjóðleg mót í mun ríkari mæli, og verða þannig mun betur í stakk búin til að ná árangri á erlendri grundu en áður hefur þekkst.

Afrek Afrek telst vera að komst í fimm manna úrslit á sterkustu opnu alþjóðamótunum, (Opna enska, franska, þýska, hollenska o.s.frv.), 1-3 sæti á millisterkum mótum, þar með talið Norðurlandamót, í átta manna úrslit á Evrópumótum og 16 manna úrslit á heimsmeistaramótum, hvort sem um er að ræða unglingamót eða fullorðins.

Hvernig á að ná þessum markmiðum • Innan KAÍ skal starfa Landsliðsnefnd, kosinn af stjórn KAÍ, til að halda utan um landsliðsmál. • Það skulu vera starfandi landsliðsþjálfarar bæði fyrir Kata- og Kumite lið. • Landsliðsnefnd þarf að hafa skipulagðar landsliðsæfingar allan ársins hring, bæði opnar og lokaðar. • Það þarf að búa til landslið, bæði unglinga (14-17 ára) og fullorðins (18+). A og B landslið og svo C hóp sem eru kandídatar í A og B (nánar um landslið hér síðar) . • Senda á keppendur frá u.þ.b. 14 ára aldri á alþjóðleg mót þannig að þau öðlist þá keppnisreynslu sem til þarf til að ná árangri á erlendri grundu. Unglingalandslið fari utan í keppni a.m.k. 2 sinnum á ári og fullorðins 3 sinnum. • Stefnt er að því að þeir einstaklingar sem eru valdir í A landslið, hafi aðgang og vinna með sérfræðingum á sviðum líkamsuppbyggingar, næringarfræði og heilsuverndar. • KAÍ skal styrkja unga keppendur til að sækja alþjóðleg mót þótt ekki séu þeir komnir í landslið enda hafi þeir sýnt metnað og mætt á opnar landsliðsæfingar KAÍ eftir þeim viðmiðunum sem landsliðsnefnd setur hverju sinni.

Skipulag Karatesamband Íslands fer með málefni íþróttarinnar gagnvart ÍSÍ og er aðili að Karatesambandi Evrópu (EKF) og Alþjóða karatesambandinu (WKF). Landsliðsþjálfari í samvinnu við landsliðsnefnd ber ábyrgð á að fylgja stefnu sambandsins í þeim málum sem honum er úthlutað. Hann sér um að undirbúa keppendur fyrir þau verkefni sem á undan hafa verið talin og ná þeim markmiðum sem koma fram í afreksstefnunni. Val á keppendum er undir honum komið og vinnur hann í samvinnu við landsliðsnefnd KAÍ hverju sinni.

Landslið Til að komast í landslið Íslands í karate þurfa keppendur að uppfylla eftirfarandi skilyrði: A Landslið, Keppandi hefur keppt á a.m.k. þremur alþjóðlegum mótum í sínum flokki (aldur/þyngd) með 10 eða fleiri þjóðum. Keppandi vinnur sjálfstætt í æfinga- og keppnisáætlun sinni og fer reglulega yfir hana með landsliðsþjálfara/landsliðsnefnd. Keppandi hefur unnið sinn flokk (aldur/þyngd) a.m.k. einu sinni á Íslandsmóti/Bikarmóti/GP móti. Keppandi mætir a.m.k. á 80% skipulagðra samæfinga á vegum landsliðsnefndar á hverju misseri Keppandi er í efsta þrepi á þolprófi. B landslið, Keppandi hefur keppt á a.m.k. einu alþjóðlegu móti í sínum flokki (aldur/þyngd) með 5 eða fleiri þjóðum. Keppandi vinnur sjálfstætt í æfinga- og keppnisáætlun sinni og fer reglulega yfir hana með landsliðsþjálfara/landsliðsnefnd. Keppandi hefur unnið til verðlauna í sínum flokki (aldur/þyngd) a.m.k. einu sinni á Íslandsmóti/Bikarmóti/GP móti með a.m.k 6 keppendum. Keppandi mætir a.m.k. á 70% skipulagðra samæfinga á vegum landsliðsnefndar á hverju ári. Keppandi er í efri þrepum á þolprófi. C hópur, Keppandi vinnur sjálfstætt í æfinga- og keppnisáætlun sinni og fer reglulega yfir hana með landsliðsþjálfara/landsliðsnefnd. Keppandi hefur keppt í sínum flokki (aldur/þyngd) a.m.k. þrisvar sinnum á Íslandsmóti/Bikarmóti/GP móti. Keppandi mætir a.m.k. á 60% skipulagðra samæfinga á vegum landsliðsnefndar á hverju ári. Keppandi hefur tekið þolpróf landsliðsins.

Verkefni 2012-2014 Verkefni 2012 Tvö opin mót á norðurlöndum með styrk fyrir A, B og C landsliðshópa........ 800 þús. Norðurlandameistaramót, apríl í Svíþjóð, A-landslið með fullum styrk....... 1.200 þús. Evrópumeistaramót unglinga, í febrúar í Azerbaijan, 1 keppandi............. 100 þús. Evrópumeistaramót fullorðinna, í maí á Spáni, 1-2 keppendur ............... 200 þús. Heimsmeistaramót fullorðinna, í október í Frakklandi, 1-2 keppendur........ 200 þús. Áætlaður heildarkostnaður fyrir 2012 er.................................... 2.500 þús. Verkefni 2013 Tvö opin mót á norðurlöndum með styrk fyrir A, B og C landsliðshópa. ...... 800 þús. Norðurlandameistaramót, apríl í Lettlandi, A-landslið með fullum styrk. ... 1.200 þús. Evrópumeistaramót unglinga, í febrúar í Tyrklandi, 1-2 keppendur........... 250 þús. Evrópumeistaramót fullorðinna, í maí í Ungverjalandi, 1-2 keppendur ....... 250 þús. Heimsmeistaramót unglinga, í október í Spáni, 2-4 keppendur................ 400 þús. Áætlaður heildarkostnaður fyrir 2013 er ................................... 2.900 þús. Verkefni 2014 Tvö opin mót á norðurlöndum með styrk fyrir A, B og C landsliðshópa. ...... 1.000 þús. Norðurlandameistaramót, apríl í Noregi, A-landslið með fullum styrk. ...... 1.200 þús. Evrópumeistaramót unglinga, í febrúar í Portúgal, 1-2 keppendur............ 300 þús. Evrópumeistaramót fullorðinna, í maí í Finnlandi, 1-4 keppendur ........... 400 þús. Heimsmeistaramót unglinga, í október í Þýskalandi, 2-4 keppendur........... 500 þús. Áætlaður heildarkostnaður fyrir 2014 er.................................... 3.400 þús.

Endurmat Landsliðsþjálfari/landsliðsnefnd skilar stjórn KAÍ skýrslu á ári hverju þar sem síðasta ár er skoðað með tilliti til árangurs, eftirfylgni og áætlana. Landsliðsnefnd og stjórn meta stöðuna og halda eða breyta áætlunum hverju sinni.

Aðilar og ábyrgð Stjórn KAÍ hefur alla umsjón og ber ábyrgð á afreksstefnu sambandsins. Beinir aðilar að afreksstefnunni eru: Stjórn KAÍ, landsliðsnefnd, sérþjálfarar, karatefélögin og keppendur. KAÍ skal kynna keppendum hlutverk þeirra og væntingar sem gerðar eru til þeirra sem valdir eru í landslið sambandsins. KAÍ skal vinna að því að virkja það fólk sem kemur að afreksstefnunni, til að vinna jafnframt með hóp ungra og upprennandi afreksmanna.

Samþykkt af stjórn KAÍ þann 12.jan. 2012